Хÿтĕлевçĕсем кĕске отпуска хăйсен ялĕсенче ирттереççĕ. Тĕлпулу вăхăтĕнче вĕсем фронтри пурнăç, çапăçусем, Раççей боецĕсем хăюлăхпа паттăрлăх кăтартни çинчен каласа панă.

Андрей Раççей çарĕнче çулталăк тăнă хыççăн службăна тăсма Оборона министерствипе килĕшӳ çирĕплетнĕ, хĕç-пăшалпа усă курма, амансан васкавлă медпулăшу пама вĕреннĕренпе вăл — малти линире.

Алексее СВОна Раççей Президенчĕн 2022 çулхи авăн уйăхĕнчи саппасра тăракансен пĕр пайне çара мобилизацилесси çинчен кăларнă указĕпе килĕшӳллĕн илнĕ. Вăл та çапăçусем, ротăра пĕр-пĕрне йывăр чухне пулăшни çинчен каласа кăтартнă. Ял-йыш вĕсене фронта маскировка сеткисем илсе çитерме шанса панă.
("Хыпар" хаçат - 08.10.2024)